ଟ୍ରେନ୍ ଛାଡ଼ିବାର କିଛି ସମୟ ପୂର୍ବରୁ କରିପାରିବେ ଟିକେଟ ବୁକିଂ

ନୂଆଦିଲ୍ଲୀ: ରେଳ ଯାତ୍ରୀମାନେ ଟ୍ରେନ ଛାଡିବାର ୩୦ରୁ ପାଞ୍ଚ ମିନିଟ ପୂର୍ବରୁ ରିଜର୍ଭେସନ (ସଂରକ୍ଷିତ) ଟିକେଟ ବୁକ୍ କରିପାରିବେ। କରୋନା ମହାମାରୀ ସମୟରେ ଚାଲୁଥିବା ସ୍ୱତନ୍ତ୍ର ଟ୍ରେନର ଯାତ୍ରୀମାନଙ୍କୁ ଏହି ସୁବିଧା ଯୋଗାଇ ଦିଆଯିବ ବୋଲି ସୂଚନା ମିଳିଛି।

ରେଳବାଇ ଦ୍ବାରା ଜାରି କରାଯାଇଥିବା ସର୍କୁଲାରରେ ଦର୍ଶାଯାଇଛି ଯେ ସ୍ୱତନ୍ତ୍ର ଟ୍ରେନରେ ଦ୍ୱିତୀୟ ରିଜର୍ଭେସନ ଚାର୍ଟ ପ୍ରସ୍ତୁତ ହେବ। ପ୍ରଥମ ସଂରକ୍ଷଣ ଚାର୍ଟ ୪ ଘଣ୍ଟା ପୂର୍ବରୁ ପ୍ରସ୍ତୁତ ହେବ।

ଆହୁରି ମଧ୍ୟ ଅଧିକାରୀ ମାନେ କହିଛନ୍ତି ଯେ ଟିକେଟ୍ କାଉଣ୍ଟରରେ ପାଞ୍ଚ ମିନିଟ୍ ପୂର୍ବରୁ ରେଳ ଷ୍ଟେସନରେ ସଂରକ୍ଷିତ ଟିକେଟ୍ ବୁକ୍ କରିବାର ସୁବିଧା ରହିବ। ସେ କହିଛନ୍ତି ଯେ ପ୍ରଥମେ ସର୍ଭିସ୍ ଆଧାରରେ ଇଣ୍ଟରନେଟ୍ ମାଧ୍ୟମରେ ଟିକେଟ୍ ବୁକ୍ କରାଯିବ।

ଟ୍ରେନଗୁଡିକର ନିର୍ଦ୍ଧାରିତ କିମ୍ବା ପୁନଃ ନିର୍ଦ୍ଧାରିତ ହେବାର ୫ ମିନିଟ୍ ପୂର୍ବରୁ ଦ୍ୱିତୀୟ ସଂରକ୍ଷଣ ଚାର୍ଟ ପ୍ରସ୍ତୁତ ହେବ। ଏହି ଅବଧି ମଧ୍ୟରେ ପୂର୍ବରୁ ବୁକ୍ ହୋଇଥିବା ଟିକେଟ୍ ବାତିଲ୍ ନିୟମ ଅନୁଯାୟୀ ଅନୁମତି ଦିଆଯିବ।

ଅକ୍ଟୋବର ୧୦ ରୁ ଏହି ବ୍ୟବସ୍ଥା ଲାଗୁ ହେବାକୁ ଯାଉଛି ବୋଲି ରେଳବାଇ ସୁତ୍ରରୁ ପ୍ରକାଶ।