ସୁଶାନ୍ତ ସିଂ ରାଜପୁତ ମାମଲାର ତଦନ୍ତ ଫଳାଫଳକୁ ଶୀଘ୍ର ପ୍ରକାଶ କରାଯାଉ: ସ୍ୱାସ୍ଥ୍ୟମନ୍ତ୍ରୀ ଅନିଲ ଦେଶମୁଖ
ନୂଆଦିଲ୍ଲୀ: ମହାରାଷ୍ଟ୍ର ସ୍ୱାସ୍ଥ୍ୟମନ୍ତ୍ରୀ ଅନିଲ ଦେଶମୁଖ ରବିବାର ଦିନ କହିଛନ୍ତି ଯେ ସୁଶାନ୍ତ ସିଂ ରାଜପୁତ ମାମଲାର ତଦନ୍ତ ଫଳାଫଳକୁ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ପ୍ରକାଶ କରିବା ଉଚିତ।
ତଦନ୍ତ ଆରମ୍ଭ ହେବାର ପାଞ୍ଚ ମାସରୁ ଅଧିକ ସମୟ ବିତି ଯାଇଥିଲେ ସୁଦ୍ଧା ଅଭିନେତା ସୁଶାନ୍ତ ସିଂ ରାଜପୁତଙ୍କୁ ହତ୍ୟା କରାଯାଇଛି ନା ସେ ଆତ୍ମହତ୍ୟା କରିଥିଲେ ସିବିଆଇ ତାହା ପ୍ରକାଶ କରି ନାହିଁ। ଶୀଘ୍ର ଅନୁସନ୍ଧାନର ଫଳାଫଳ ପ୍ରକାଶ କରିବାକୁ ମୁଁ ସିବିଆଇକୁ ଅନୁରୋଧ କରୁଛି ବୋଲି ଦେଶମୁଖ କହିଛନ୍ତି।
ଜୁନ୍ ୧୪ ରେ ତାଙ୍କ ମୁମ୍ବାଇସ୍ଥିତ ବାସଭବନରୁ ସୁଶାନ୍ତଙ୍କ ମୃତଦେହ ମିଳିଥିଲା। ତେବେ ମୁମ୍ବାଇ ପୋଲିସ୍ର ପ୍ରାଥମିକ ତଦନ୍ତ ପରେ ରିପୋର୍ଟରୁ ଜଣାପଡ଼ିଥିଲା ଯେ ସୁଶାନ୍ତ ଆତ୍ମହତ୍ୟା କରି ମୃତ୍ୟୁବରଣ କରିଛନ୍ତି। ଅଗଷ୍ଟରେ ସୁପ୍ରିମକୋର୍ଟ ଏହି ମାମଲାର ସିବିଆଇ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ।