ଦେଶରେ କୋଭିଡ-୧୯ ପ୍ଲାଜମା ବ୍ୟାଙ୍କ ସଂଖ୍ୟାକୁ ନେଇ କୌଣସି ତଥ୍ୟ ନାହିଁ: କେନ୍ଦ୍ର

ନୂଆଦିଲ୍ଲୀ: ଦେଶରେ କୋଭିଡ-୧୯ ପାଇଁ ଧାର୍ଯ୍ୟ ପ୍ଲାଜମା ବ୍ୟାଙ୍କ ସଂଖ୍ୟା ବିଷୟରେ କୌଣସି ତଥ୍ୟ ନଥିବା ସରକାର ରାଜ୍ୟସଭାକୁ କହିଛନ୍ତି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା କୋଭିଡ-୧୯ ଚିକିତ୍ସା ପାଇଁ କନଭାଲେସେଣ୍ଟ ପ୍ଲାଜମା ଥେରାପି ସୁପାରିଶ କରାଯାଇ ନାହିଁ ଏବଂ ପ୍ଲାଜମା ବ୍ୟାଙ୍କ ଗଠନ ପାଇଁ କୌଣସି ପ୍ରସ୍ତାବ ନାହିଁ ବୋଲି ରାଜ୍ୟସଭାରେ ସୂଚନା ଦିଆଯାଇଛି। ଏକ ଲିଖିତ ଉତ୍ତରରେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଅଶ୍ୱିନୀ ଚୌବେ କହିଛନ୍ତି ଯେ କୋଭିଡ ରୋଗୀଙ୍କୁ ପ୍ଲାଜମା ଥେରାପି ଯୋଗାଇବା ପାଇଁ ଏଭଳି ବ୍ୟାଙ୍କ ଗଠନ ପାଇଁ ରାଜ୍ୟ ପଦକ୍ଷେପ ନେଇଛନ୍ତି କିନ୍ତୁ ଏହିପରି ବ୍ୟାଙ୍କର କୌଣସି କେନ୍ଦ୍ରୀୟ ଡାଟାବେସ୍ ରକ୍ଷଣାବେକ୍ଷଣ କରାଯାଇ ନାହିଁ।

ଦେଶର କରୋନା ରୋଗୀଙ୍କୁ ପ୍ଲାଜମା ଥେରାପି ଯୋଗାଇବା ପାଇଁ ବର୍ତ୍ତମାନ ଚାଲୁଥିବା ମୋଟ ପ୍ଲାଜମା ବ୍ୟାଙ୍କଗୁଡିକ ଉପରେ ଉଠିଥିବା ପ୍ରଶ୍ନର ଉତ୍ତରରେ ସେ ଏହା କହିଛନ୍ତି ।

ଦେଶରେ ରୋଗୀମାନଙ୍କର ଏକ ନିର୍ଦ୍ଦିଷ୍ଟ ଉପଗୋଷ୍ଠୀର ବ୍ୟବହାର ପାଇଁ ଅନୁସନ୍ଧାନକାରୀ ଥେରାପି ଭାବରେ କୋଭିଡ କ୍ଲିନିକାଲ ମ୍ୟାନେଜମେଣ୍ଟ ପ୍ରୋଟୋକଲରେ କନଭାଲେସେଣ୍ଟ ପ୍ଲାଜମା ଥେରାପି ଅନ୍ତର୍ଭୂକ୍ତ କରାଯାଇଛି ବୋଲି ଚୁବେ କହିଛନ୍ତି। ମଧ୍ୟମ ରୋଗରେ ଆକ୍ରାନ୍ତ ରୋଗୀଙ୍କ କ୍ଷେତ୍ରରେ ଏହି ଥେରାପିର ବ୍ୟବହାରକୁ ବିଚାର କରାଯାଇପାରେ, ଯେଉଁମାନେ ଅମ୍ଳଜାନ ସପ୍ଲିମେଣ୍ଟେସନ୍, ଷ୍ଟେରଏଡ୍ ଆଦିର ବ୍ୟବହାର ସତ୍ତ୍ୱେ ଠିକ ହୋଇପାରୁନାହାନ୍ତି ବୋଲି ସେ କହିଛନ୍ତି ।

ପ୍ଲାଜମାର ଉପଲବ୍ଧତା ନିଶ୍ଚିତ କରି ଆବଶ୍ୟକ ସ୍ଥଳେ ବ୍ୟାଙ୍କ ପ୍ରତିଷ୍ଠା ପାଇଁ ପଦକ୍ଷେପ ନିଆଯାଇପାରେ । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା କନଭାଲେସେଣ୍ଟ ପ୍ଲାଜମା ଥେରାପି ସୁପାରିଶ କରାଯାଇନଥିବା ତଥା ପ୍ଲାଜମା ବ୍ୟାଙ୍କ ଗଠନ ପାଇଁ କୌଣସି ପ୍ରସ୍ତାବ ନଥିବା ସେ ସ୍ପଷ୍ଟ କରିଛନ୍ତି ।